На 01.6.2021 год. се одржа Тркалезна маса со наслов „Делото на Конески – постојан извор на истражувања во науката за јазикот, литературата и културата“. Тркалезната маса се одржа онлајн и е една од серијата активности кои Македонското научно друштво од Битола  ги организира и реализира во соработка со Педагошкиот факултет од Битола во знак на чествување на 100-годишнината од раѓањето на нашиот македонски великан, академик Блаже Конески.

Свое пленарно обраќање на Тркалезната маса имаше почесниот гостин, професор д-р Димитар Пандев од Филолошкиот факултет „Блаже Конески“ во Скопје, на тема „Поетиката на Конески на фонот на филологијата и лингвистиката“.

На Тркалезната маса свои излагања имаа околу 20 учесници – професори, членови на МНД- Битола и почитувачи на делото на Блаже Конески, претставувајќи ги различните аспекти од богатото лингвистичко и литературно наследство на Конески.

Тркалезната маса се одвиваше во две паралелни сесии и заврши со богата и плодна дискусија од страна на учесниците.