д-р Татјана Спасеска

Биографски податоци и образование

Кандидатката д-р Татјана Спасеска е родена на 24.05.1981 год., во Прилеп.  Средно образование завршила во државното средно училиште, гимназија “Мирче Ацев”, Прилеп, во 2000 год. Со високо образование се стекнала на Економски факултет-Прилеп. Дипломирала на 28.09.2004 година, со просечен успех 9.47. На Економскиот факултет во Прилеп е прогласена за најдобар студент на генерацијата. За одлично завршените студии ректорот на Универзитетот “Св. Климент Охридски” – Битола, на 8 декември 2004 година, и  додели пофалница за најдобар студент на Универзитетот “Св.Климент Охридски” – Битола.

Во академската 2004/05 се запишала на последипломските студии по Бизнис, администрација МБА – менаџмент (фокусен сегмент – сметководствен менаџмент) на Економскиот факултет во Прилеп. Студиите ги завршила во 2008 година, со просечен успех 9.90. На 08.04.2008 година го одбранила магистерскиот труд на тема: “Сметководствените информации како клучен фактор на деловното одлучување и унапредување на процесот на работењето”.

Докторска дисертација пријавила на 24.02.2011 година на Економски факултет-Прилеп. Дисертацијата на тема: “Сметководстенво-управувачки предизвици на стратегиските техники на менаџерското сметководство” која успешно ја одбрани на Економски факултет-Прилеп на 08.05.2013 година, пред Комисија во состав: проф.д-р Гордана Витанова, проф.д-р Виолета Лашкоска, проф.д-р Сузана Талеска, проф.д-р Гордана Трајкоска и доц.д-р Дејан Крстевски. Со тоа се стекнал/а со научниот степен доктор на науки од научната област Сметководство.

Кандидатката д-р Татјана Спасеска, своето работното искуство во високото образование го започнува непосредно пред дипломирањето. Имено, во академската 2003/04 година како најдобар студент на генерацијата била ангажирана како демонстратор на Економскиот факултет во Прилеп по група сметководствени предмети: финансиско сметководство I, финансиско сметководство II, даночно и банкарско сметководство и државно сметководство и сметководство на непрофитни организации, при што активно е вклучена во реализацијата на вежбите по овие предмети.

На 16.07.2008 год.е избрана за асистент по група сметководствени дисциплини.

На 15.09.2013 година е избрана во звањето доцент на Економски факултет-Прилеп во областите сметководство и финансии.

Исто така, во академската 2017/18 година е избрана за секретар на катедрата Сметководство, финансии и ревизија на Економскиот факултет во Прилеп.

Во моментот е вонреден професор на Економски факултет-Прилеп. Последниот реферат за избор е објавен во Билтен бр. 441 од 02.05.2018 година.

Од октомври 2018 год. д-р Татјана Спасеска ја обавува функцијата продекан за меѓународна соработка на Економскиот факултет – Прилеп.

Кандидатката активно го владее англискиот јазик.

Во текот на нејзината професионална надоградба, кандидатката Спасеска ги има реализирано следниве студиски посети и престои во странски универзитети:

• University of Udine, Italy во рамките на ТЕМПУС проектот „Joint Master for South-East Europe in Economics and management Science Program “, од 01.03.2009 до 15.03.2009 година;
• Faculty of Economics and Administrative Sciences, Namık Kemal University, Tekirdag, Turkey, Еразмус+ мобилност (одржани предавања од областа менаџерско сметководство), во периодот од 16 до 20 мај 2016 година;
• Faculty of Economics, University of Nis, Serbia, мобилност во рамки на Еразмус+ програмата, во периодот од 31.05. до 04.06. 2021 година;
• University of Mitrovica “Isa Boletini”, Faculty of Economics, студиски престој рамките на CEEPUS програмата во периодот од 05.2016-16.05.2022 год.

• “Берзата како најзначаен сегмент на пазaрот на капитал”, дипломска работа, септември 2004 година
• “Сметководствените информации како клучен фактор на деловното одлучување и унапредување на процесот на работењето”, магистерски труд, 2008
• “Улогата и значењето на финансиските деривати на финансискиот пазар”, Зборник на трудови на Меѓународната научна конференција на тема “Предизвиците на новата економија” , Охрид, 2007 (во коавторство со проф.д-р Гордана Витанова)
• “Пазарот на пари во Република Македонија I и II”, објавен во списанието Економија и бизнис 2006 год. (во коавторство со проф.д-р Гордана Витанова)
• “Неопходни услови за функционирање на пазарот на капитал”, Зборник на трудови, Друштвото за наука (во коавторство Анета Ристеска)
• “Улогата и значењето на берзите во услови на глобализација”, Зборник на трудови, Друштвото за наука (во коавторство со Анета Ристеска)
• “Системот на активности во функција на поефикасно деловно одлучување”, Зборник на трудови(во печат), Друштво за наука (во коавторство со проф.д-р Гордана Витанова)
• “Систем “Just–in–time”-“точно навреме”, Зборник на трудови(во печат), Друштво за наука (во коавторство со проф.д-р Гордана Витанова)
• “Управување со ризикот преку инвестирање во портфолио на хартии од вредност”, Зборник радова, Економски факултет – Суботица, 2007 год. (во коавторство со проф.д-р Гордана Витанова)
• “Менаџирање со ризиците на финансиските пазари во глобалната економија”, “Зборник на трудови на Меѓународната научна конференција на тема Бизнисот и глобализацијата” , Охрид, 2007 (во коавторство со проф.д-р Гордана Витанова и Анета Ристеска).
• Ø “Cost Quality Management”, EcoTrend – European Developments and Globalization, Faculty of Economics, „Constantin Brâncuşi” University of Tg-Jiu, 2008(во коавторство)
• Merenje performansa u funkciji unapredjenja procesa upravljanja,SM 2009 – Strategijski menadžment i sistemi podrške odlučivanju u strategijskom menadžmentu, Subotica, 2009, (во коавторство)
• Total Quality Management – Success Paradiggm in Terms of Globalization, V Majska konferencija o startegijskom menadzmentu, Bor, 2009, (во коавторство)
• Challenges of management accounting in a new business environment, International conference – The Economy and business in post-recesion, Faculty of Economics – Prilep, 2010
• Balanced Scorecard as a Strategic Management Tool, 16^th International Scientific Conference SM2011, Strategic Management and Decision Support Systems in Strategic Management, Book of Apsract, Faculty of economics-Subotica, 2011
• Opportunities for financing the small and medium-size businesses in the Republic of Macedonia through issuing long-term securities, Researcing Economic Development and Enterpreneurship in Transitional Economies, Faculty of Economics, University of Banja Luka, Republic of Srpska, Bosna and Hercegovina, 2011 (во печат).